DÈSS
Dèss che i cavì cumencian perda al culoor
e chi e là sü la testa ti vöghi un cùai vöi.
Dèss che i’öcc cuméncian faa fadiga a sciaraa
e sönza i’ügiai ti vè piü gnönca faa na pisaa.
Dèss che faa i scali l’è cumè na sü al Mutaron
che cönt ti sé mità ti ghè già un grön banfon.
Dèss che ti cuménci pinsaa la to vita cùm l’è stàcia
cùl che tè fàcc, al bél el brüt, ti vardi cùm l’è nàcia.
Dèss ti capisi induva tè sbajà, induva tè mancà,
i paroli mai dici, i robi mia fàci, al tort subì e mia pardunà.
Dèss t’it réndi cünt di furtüni e di miserji che ti ghè bijü
i’àgn pasè tröp in prèsa, vulè via, nècc, sparì, che gh’ji’n piü.