Guzon al me paes
Descrizione del borgo , dove sono nato tanti anni fa, nel ricordo della mia infanzia. I ricordi si scontrano con la realtà ,il paese che da bambino appariva vivo , con prospettive di un forte sviluppo, giace ora in un inesorabile declino. Le grandi industrie chiudono o si trasferiscono, i negozi ormai sono soppiantati dai supermercati. A causa di infinite pratiche urbanistiche e non è pressoché impossibile trovare nuove abitazioni, tantè che molti troppi Gozzanesi si sono trasferiti nei paesi limitrofi.
I sogni sono il sale della vita , e la speranza è una fede che accomuna tutti gli uomini. Il nostro sogno e la nostra speranza è che il paese ritorni al suo antico splendore. Per poter un giorno, "noi esuli emigranti" , affermare con una punta di orgoglio e gl'occhi lucenti di emozione :
" cul l'è al me paes"
============
" mi am rigordi che leva bel , ma ades cum l'è che lè divantà ? "
Tour didattico sentimentale ( foto 2002 )
 | Al me paes al cumincia da Luscera , se ti rivii da in su. |
| dopu i muraioin , ghè al comp dal futball , poi ti giri davanti al cancel da la Petroliera, ti pasi davanti a la Bemberg e ti sè a la Tobruk |
la giesa da Luscera i muraioin Comp dal futball la Bemberg ( ghè sciopero ! ) Tobruk al Parco e la Tobruk
| Dopu la Tobruk, ti pasi al Casel, ti giri a destra e ti rivi al Crucifis |
| pasà al Casel , propi davanti la Caserma di Carabugnè , chè un angulin che al divid la via .Li gheva al ciclista Antonioli , cum al fiol che al cureva in bicleta , (" al camera" ) . Visin al ciclista gheva al Casati che al vandeva i Radio. Quont gheva mia ancora la television, al Casati al miteva fora una Radio che trasmitteva al Gir d'Italia , alora tuch as firmavan par senta l'ariuv dal gir. E l'eva già festa. |
al Casel "un angulin che al divid la via " Crucifis
| Dal Crucifis se ti ve dric , ti rivi in Piazza dal Marcà , al centro dal paes |
Cantunasch " mi sum nasù là sora" Ritirati Piazza dal Marcà Fratello e fratelli
| Inveci se ti riva da l'auta part, din giù |
| se ti rivi da Briga, ades ti giri in duva una volta a gheva al prascion, ti pasi sora al Tancugnin. Poi davanti al cimiteri e ti ve su dre al mur di cafiteri per rivaa in la piazzota da l'Uspidal. Da li ti sè in Via Vittorio Veneto ( la via degli artisti ). Ades pasan più i camion, ma pruma quonti volti al balcon l'è nach giù , cum al povar Ermano che as dava da faa par mustrag i monovri ai autisti stranier. E chi suman sul Purton |
al Prascion davanti al Cimiteri i Cafiteri e l'Uspidal Via Veneto Sul Purton
| Sul Purton , al merita dou paroli. Da stu post chi am rigordi al Cafè dal Scior Carlo , cum cula finestra di gelati , che at nava giù la gola ogni volta che ti pasavi da li. E poi tuch i gsiuvnoit che pruma da na lauraa as sitavan giù in fila tacà al mur dal Gentile , propi davanti al Cafè. E al Barbota che al dava i multi ai macchini che giravan mia intor a cula picula rutunda che lui l'ha facc mota in mez ala straa. Am rigordi anche quond a gneva cà l'Ermano , fiol dal Pipin Piuvin barbee , che al sunava la batteria in gir par al mund. Al gneva ca cun sempar un quai mania nova , gho in ment una svedesa biunda , e poi una brasiliona culor dal ciuculat , che manii !! ,e che artista l'Ermano. |
E poi ala sera tard , dopu al cinema i gsiuvnoit , as truvavan sempar sul purton, par l'ultim ciciarin pruma da naa durmii. Quond l'eva l'ora da na cà frugavan in di sacoci e tirava fora un quai franchin , poi as mitevan cum i spali girai davanti al mur da la vila dal Zucca e tiravan i munedini dent " par al povar Zucca " disevan e tucc cuntent navan a durmii.
" la finestra di gelati " Sul Purton " nocch e di "
| Dal Purton se ti vè dric, ti sè su la Cuntraa Gronda. |
La Cuntraa Gronda , l'è la via principal dal paes, in duva gheva tonti buteghi e negozi, ades ghe ristà più quasi nient. Alora l'eva in si : ti navi in sù dopu al Purton e ti pasavi davanti al Sempion , da lauta part a gheva la cartuleria Antonioli , cum tacà la butega da l'Adele che la vindeva carameli. Poi pruma dal Cafè Nouv , gheva la macelleria dal Lisandrin, cum di frunt al barbee Pavesi. Al Cafè Nouv l'eva al Cafè di sciori in duva giucavan al biliard cui boin. L'è li che ghè capità al famos detto " sciora Maria ruzzan..." e lei la rispundeva " pagà o mia pagà fora dal me cafè" e i matai cuntent navan fora sonza pagaa. Dopu al Cafè Nouv cum tacà la pasticceria Mazzetti, gheva la butega dal Badini , che al vendeva pon e roba da mangiaa, pusè avanti incora la Coperativa , di frunt al palazzi dal Marches. In dal palazzi dal Marches gheva dent la butega dal Fernandel , e tacà poi hon facc al Club Juventus. Di frunt al Club , al Nula , che al giustava i bicicleti, e da la al Bacota cum i salem ,poi la sartoria dal Celso e da lauta paert l'ustaria dal Main, propi su l'ongul pruma da la discesa dal Porzio.In duva ades ghè al condominio, gheva al tabachin dal Brustia, cum darè un giardin , e suta , sutburgot , al Decimo che al giustava i macchini.Di frunt al tabachin la farmacia Lapidari, poi la macelleria dal Tinivella e dopu al Piscin
Rivuma in la gesa da Sonta Marta ( ades nioca più cula la funziona , as samia ben al parchè ma l'è ciavaa), dopu Sonta Marta al Municipi e da là la Vila dal Don Giuvan.E sum rivai in piazza dal Marcà , al centro dal paes
Cuntraa gronda Coperativa Cà Bacota in sù vers al marcà
| Se però dal Purton ti vè in giù par la discesa da la Pisola, |
ti rivi in dal Circul . Ti parti dal Pipin Piuvin barbee, cum visin al Beti di radio, di frunt al Murela che al vandeva i bumbuli dal gas. Am rigordi che ai purtava in bicicleta e gheva una mulota di pagn sui cauzoin par mia spurcai. Ti pasi poi davanti al sciavatin Arturo , al Magnon , al macelar Belloni, la Fratina ,la butega da la Carla iaa, la farmacia Mazzetti e al Pietro prastinee. Da la butega dal Pietro girà l'ongul ti pasi davanti al matarazzee Bosisio e poi davanti l'ustaria dal Gnel ( Ramo Secco ), se ti vè driz su par la salida da la Turasci , ti rivi in Cuntraa Gronda. Alora ti ciapi l'auta straa che la pasa suta al punt dal Baron , e la va in Sutaburgot, par poi spuntaa al Crucifis, in duva suman già stecc.
giù par la Pisola al Circul l'ustaria dal Gnel la Turascia Punt dal Baron
| Se dal Circul , invece che da naa su vers la Turascia , ti cuntunui par la Pisola, |
ti rivi in dal Patak e poi ti sè in Piazza Son Giulion , la piazza pusè bela da Guzzon.
dal Circul in sù Prestinee in dal Patak Piazza Son Giulion al Ticial
incumincia fiucaa
Suta al Ticial
Eh ! la Piazza Son Giulion, cum al centro al Palazzi dal Ticial , suta gheva l'Acli , poi ghè rivà al Bunumin un caruzzee che al giustava i moto.In fund gheva al Cinema dal Cristina cum al Tarsilu che l'eva l'uperator. Su l'ongul la butega da la Bonconvegno e pusè avnti al barbee Zumpa , che al taiava i cav' cun la scudela. Di frunt al Ticial cul palazzi nouv che l'è stacc al prum condominio da Guzzon, al post di Prasoni. Suta al Ticial i matai giugavan biglitit cum la tola , e favan di gron bus in dal mur. In sciuma da la Piazza gheva una grosa cross ad sas . Da li in inver i matai scurgavan su una pista gilaa , e i fumni gnevan fora e agh butavan giù la sciondra par mia rabataa giù.
Casa Silvera gheva la cross Cinema in mezz in fund su vers al Castel
| Da la Piazza Son Giulion , girà l'ongul da la Ca Silvera , ti vè sù in Castel |
In Castel l'è la gesa principal da Guzzon , la Basilica. Li gheva l'uratori di matai , parchè cul di mati l'eva in da l'istitut Gentile.Darè la gesa ghè la scerca cum la cuna dal bambin. Tacà la gesa ghè al campanon aut trotases metar, e davanti la porta par na su al campanon ghè al ces cum dui buss , in si che chi gha scapava da bruschii lu fava diratament giù par la scerca. Darè la gesa ghè la capela dal Son Gaiton , e da li as voch al panurama dal paes. Pruma da rivaa in la gesa , ghè la ca e al giardin dal Vescuv e di frunt , cul palazzon lung, al cunvent di Barboin , i Comboniani . I preu cui temp là ievan tonci , cum di gron barbi e l'è li che uma vist la pruma volta i negar. In di Barboin favan al Prasepi pusè bel dal paes, cum la funtona e al mulita che as muveva. Par naa in Castel as pol pasaa anche da la straa vegia as pasa suta l'arco e as riva davati la ca dal Pravost.
i Barboin la Cà dal Vescuv la scalinaa l'Uratori Son Gaiton al Campanon
Panorami i Giusuvita la porta dal Campanon la scerca la Cà dal Pravost straa vegia
| Da Ia piazza Son Giulion , se inveci da naa sù in Castel , ti ciapi la straa manzina |
| e ti vè vers i Giusuvita, girà l'ongul da la giesa ti sè in Vila.Di frunt la gesa gheva una butega dal pon ......poi la lacera ......che la fava anche i gelati propi boin. Di frunt la lacera la butega dal Zambreli varduree dopu , da lauta part al Pezza cum al tanbachin, e pena pusè avanti l'ustaria dal Gianni cum al gioc di boci. Di frunt al Gianni par un pò che stacc la butaega dal Tarsilu ( famoso "anguilaa" ) che a l'eva anche elettricista.Dopu che gnù una maceleria dal nivod dal Belloni, che poi l'è stacia spustaa in fund, a l'inizi da la via. La Vila , l'è una straa lunga e antica, da la Vila as dirama la Cazula, la straa in duva gheva i mei noni , i Tizzoni , i Patosk , i Cerei, i Sciavata , i Cunscit, i Gibuloin, e al Marulin, che al vusuva cum i matascit e agh purtava via al balon, poi se rivava al nonu Roc alora si che an lasava giucaa sonza vusaa.Da la Cuzula as va l'Ariula, in duva i fumni lavan i pagn in dal lavatoi su la ruscia. L'Aruila l'è già darè di caai , e la straa la và vers Bulzon. |
| Persunag famoso da la vila al Ceco Tugnini vun di prum ad avech la macchina e faa tonti balusai. Ma forse al pusè famoso l'è stac al Nunù , al Nunù na faci da venda, in Vila cum anche in tut al paes . Una volta quond, i canai che gnevan giù di toci giravan dent in di mur , cum un bela curva a un metar da tera, al Nunù la pensà da sbusaa cum un ciò tuti i curvi di canai d'in Vila , al prum tampural l'è stacia una fontuna in tuta la via. |
| Un auta volta , complice al Barisel , on ciapà un manichin dal negozi visti cum una tremenda minigonna, e l'on piazza visin al parco da la rimembranza , quond ghevan i pionti su la straa par naa a Orta. In scuima la pionta al Nunù al tirava un curdin e al manichin as muveva , e smiava che la mania la fava l'autostop. Eco alora che un muc ad machini , di guloos ,as firmavan cum la spironza d'un quai aventura , ma poi rivè visin navan cumè di leuri. E nui dre la sciesa a ghigaa cumè vachi. |
la straa manzina Giusuvita la Vila sentinella balcon dal Gaton c'era una volta
| Propi in la diramazion da la Cazula gheva l'ustaria dal gaton.In su par la Vila truvuma al prestin sempar dal Gaton , poi l'ustaria dal Balurdin e dopu la Caserma , che ades on facc un parcheggio.La tipografia Testori e Raiteri cum di frunt al purton dal ciclista Gubin, poi andando avanti , un'auta butega dal pon , al Vapion, e da là al sciavatin Fuggi. Quont uma fac i cuscrit un quai vun la scric davanti la so butega " fuggi al 47 " l'è gnù rabbià , chi sà parchè. La Vila la finis in la butega dal Pizziricami, poi la straa la cuntuinua e la riva in dal casel. Un'auta straa la va vers l'Ariula e li as ciamava darè di cai , par indicaa la fin dal paes. |
li incumincia la Cazula l'Ariula
| Però se quod ti sè sul canton di Giusuvita , inveci da naa in Vila ti vè driz, |
| alora ti vè in Via P. Mazzetti, la Contrada Mazzetti , che ades l'è divantaa famosa in tut al mund. Si parchè le già da dui agn che in da stu rion l'ì uganizzan una bela scinota su la straa. Par Guzzon l'è un fatto ecceziunal, particularment par a sti temp in duva l'abitudin l'è divantaa da critaa tucc e tutt, ma da faa un quai cos busc. Inveci cusci chi varda che bela iniziativa, spiruma che la continua e cha anche auci ciapan l'esempi. |
l'inizi da la via al canton di poti la scena dal 2007 al Carletto in mez e la fin da la via
| Da la fin da la Cuntraa Mazzetti , se tigiri in da l'ongul dal Lacee , ti sè Sutaburgot |
la Via Sutaburgot , l'è cunsideraa " centro storico " mah ! , comunque la va via driz sin a rivaa in da la Pasticceria dal Castaldi, in pruma li gheva al un macelar , e pruma ancora la bonca la Cassa di Risparmio delle Province Lombarde , ades ghè ancora una gron testa ad vaca cun i corni. Di frunt la maceleria l'ustaria dal me ziu Gines, cun drè al giardin e al gioc di boci. E pena dopu al Crucifis
Incumincia la via al Crucifis mercatini da Castaldi
| Dal Crucifis se ti giri a destra , in da l'ongul da la bonca ti at riculeghi a la Vila. Se inveci di giri a sinistra , ti vè su par al salidin , ti pasi davanti i scoli e ti sè Darè dal Rifusè |
darè dal rifusè ghè l'uratori di matai ,( che on facc quond mi sevi un matascin ) al giardin dal Don Giuvan cunm di gron muraion e poi da la da la straa che la va Auzà , l'istitut Gentile. Di frunt la Gesa dal Gentile , al giardin dal Bacota. Poi dopu la cuva in fund , l'uratori di mati , e da chi la cà e al giardin dal Zucca ( al povar Zucca ! ) e ti sè ancora sul Purton.
i Scoli la gesa dal Gentile al giardin dal Bacota
| Dal Purton girà l'ongul dal Gentile , ti vè giù par la Lea , cum cui bei piantoin che favan una galeria at foi. |
Ades ion taiai tuti parchè on dicc che ievan mezzi morti mah!. A l'inizi da la Lea ghè la Vila Caprera , su la straa che la porta al cimiteri. Di frunt la Vila Caprera gheva al proscion , in duva gneva al circo cum tonci rimaii. Dopu al prscion pasà al toncugnin ghè la straa che la và a Briga. Ma se ti vè ancora driz ti rivi in dal Tosalli da la, e da chi in la vila dal Ranzin ( ades ghè al CAI ) Al Tosalli l'è propi tacà al pasag livel e di frunt ghè la Stazion dal treno. Davanti al stazion gheva al Cafirin cum dent i manii, e i matai pasav da li sonza fas voga tont ma luman e immaginavan. Al post dal Cafirin ades che al me amis Ghighino elettrauto.
sul Purton la Lea al Tosalli Vila Ranzin ( al CAI ) e al Cafirin
| La stazion , l'è ormai un degrado unic , tut rut e sporc. |
Ghè più in zuna in la stazion, i treni arivan , ogni tont as ferman ,la gent la va e la vogn , ma nisun che al controla nienti. I biglit somia ben in dova as fon , però se ti sauti sù sonza at don la multa.Finestri ruti spurcizia e cum l'è da moda in coi sui mur scutiri d'ogni genar
la Stazion o cul che resta "davanti la Stazion "
| A metà Lea in dal parco da la Vila dal Ranzin , un quai an fà al cumun l'ha fac un comp dal Tennis . |
Una pensaa verament favulosa cula li , pucà che par giugaa ti duvevi faa una nuvena a la madona par avegh i ciavi, anche li sonza nisun cuntrol , risultàà la durà un quai an e ades al risultà lè li da voga , povar paes !
Campo da Tennis " boh "
| In dal girin dal Paes podi mia dimenticaa al Ristoro, |
anche lì gheva i giogh dal tennis , ma cui temp là si che leva un bel post, poi la Santa Bemberg , l'è nacia a balon ( da quond sum a stach cà mi però ) e anche li al degrado al regna sovrano.
al Ristoro e i comp dal Tennis
| Al gir dal me paes al finis al Lido car amis " Buscioni in fun al lagh " disevan una volta. |
Dal lido la memoria am porta in colonia . D' ista i matai partivan di scoli , a pè tuch in fila nava giù al Lido in da cula bela Colonia. Giugavan tut al di , spiciand al dopdisnà par fa al bagn. A na certa ora tuch i matai vusan " bagno , bagno... " poi dopu un pò , al Crana al tirava fora la barca , al nava dopu i paloit , par curaa che inzuna al travarsava cul limite li .Favan mia in temp a pucia i ciapi che subit la direztrice la subbiava e tuc fora, a faa marenda.
Colonia anni 50
| Poi quond sum divantà un giunot, alora navan al Lido da lauta part da la colonia , in dal Scior Rizzi.Li favan al bagn sul seri nuvavan tuch e un quai vun al fava anche i tufi dal trampulin.La sera poi l'eva pin da bela gent , che la rivava da tuta la pruvincia , par balaa e divertiss. Quonti storii ghè sucess al Lido , quonci bagn in dal nost bel laagh e quonti seri uma paà in alegria. Certament che anche li voga cum l'è divantà ades am piog al cor, smoia fin che al degrado sia diventà una prerogativa dal me paes. |
la Colonia e da lauta part
al nost bel Lagh
Ma forse l'è sol un brut sogn che ghò avù mi , lè vera i temp in cambiè e lè mia dich che tut l'è diventà in si brut. Una roba però l'è certa se tuch in soma an daresan da faa cambiando magari al modo da pensaa , sonza sempar ma dumà criticaa , in modo che chi al vol na sul cadrighin dal Palazzi al sappia che se al fà gnent la sbaià buton. Alora forse al me paes al pudrà turnaa bel cumè na volta.
au saludi brava gent e grazie d'avè lisciù sta papardela chi
Le promesse dei politici : " i prumos di pulitik ", av rigurdì quatar agn fà pruma dai elezioni amministrativi ? tuc ogn dic che mitevan a post l'area a lago , ben naut an naruma ancora a vutaa , senza che ghe stac facc nienti. Eco la dimustrazion
marzo 2002 : " i porti e i finestri , tut rut " aprile 2008 : "eco la soluzion dal problema " ma as pol !!!! che degrado povar Guzzon