Custa lè na puisia da l’Enrica Allegra, la Gasca.
Rigurdumala insì.
NADAL
La me mama quönd rivava Nadal
La mazava al pulin, l’oca el gal
Al frigor cüi temp là glevan inzun
Iu tacava sü la finestra vün par vün
Cun al brood dal gal favan la supa e pön malgon.
Chi miteva al pön chi inveci in guzin ad vin bon.
La matin dal Nadal tüc i spiciavan i rigai
Caritit, popi, cavalit e carameli par i matai
La nostra gesa d’in Castel tuta fiuria e illuminaa lè propi bela
Ala mösa da mezanòc naseva una stela
La stela l’eva al Gesù Bambin padron da tüt al mund
Sciori, povar,pastori, regnanti s’anchinavan cum amor prufund.
Sona la novena dal Nadal,
al cuncert di campöni an fa un grön rigal.
Porta gioia e felicità in dal cor,
aduruma al Gesù Bambin cum tönt amor.